Рӯзи Истиқлоли давлатӣ ва 30-солагии Конститутсияи Тоҷикистон дар шаҳри Риёз таҷлил карда шуд
ДУШАНБЕ, 26.09.2024 /АМИТ «Ховар»/. 24 сентябри соли 2024 дар шаҳри Риёз бо ибтикори Сафорати Ҷумҳурии Тоҷикистон дар Подшоҳии Арабистони Саудӣ ба ифтихори 33-солагии Рӯзи Истиқлолияти давлатии Ҷумҳурии Тоҷикистон ва 30-солагии қабули Конститутсияи Ҷумҳурии Тоҷикистон чорабинии идона баргузор гардид. Дар ин хусус ба АМИТ «Ховар» дар Сафорати Ҷумҳурии Тоҷикистон дар Подшоҳии Арабистони Саудӣ хабар доданд.
Дар чорабинии мазкур намояндагони воломақоми Ҳукумати Подшоҳии Арабистони Саудӣ, аъзои корпуси дипломатии муқими Риёз, намояндагони доираҳои расмию корӣ ва васоити ахбори омма, инчунин ҳамватанони тоҷикистонии муқими Арабистони Саудӣ иштирок намуданд.
Сафири Фавқулода ва Мухтори Ҷумҳурии Тоҷикистон дар Подшоҳии Арабистони Саудӣ Акрам Каримӣ таъкид намуд, ки имрӯз Тоҷикистон таҳти роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи ҳифзи истиқлол ва соҳибихтиёрӣ, таҳкими асосҳои давлати демкоративу ҳуқуқбунёд ва татбиқи стратегияҳо ва ҳадафҳои авлавиятноки худ қадамҳои устувор мениҳад.
Дар идомаи суханронӣ бо ишора ба нақши афзояндаи Тоҷикистон дар арсаи байналмилалӣ дар бораи ташаббусҳои байналмилалии кишвар дар самтҳои мудирияти захираҳои обӣ, мубориза бо терроризм, таъмини суботу амнияти байналмилалӣ ва ҳамгироии минтақавӣ маълумот пешниҳод карда шуд.
Зимни ҳамоиш барномаи консертӣ бо иштироки овозхонон ва навозандагони тоҷик пешкаши меҳмонон гардонида шуд.
Инчунин, дар ҳошияи чорабинӣ ҷиҳати муаррифии зарфияти сайёҳии Тоҷикистон намоишгоҳи аксҳо, китобҳо ва варақаҳои иттилоотӣ ташкил карда шуд.
АКС: Сафорати Ҷумҳурии Тоҷикистон дар Подшоҳии Арабистони Саудӣ
Дар Ню-Йорк зарурати саривақтии ҷалби таваҷҷуҳи ҷомеаи ҷаҳонӣ ба мушкилоти обшавии босуръати пиряхҳо муҳим арзёбӣ гардид
Абдураҳмон Аламшозода бо кормандони сафорат ва намояндагони вазорату идораҳои Тоҷикистон дар Русия мулоқот намуд
Дар Академияи ҳарбии Покистон ҷашни Истиқлолияти давлатии Ҷумҳурии Тоҷикистонро таҷлил намуданд
Тақвияти ҳамкории Тоҷикистон бо Комиссияи иқтисодии Созмони Милали Муттаҳид барои Аврупо баррасӣ шуд
Дар Боку Рӯзи Истиқлоли давлатии Тоҷикистонро таҷлил намуданд
Қоҳир Расулзода бо Чен Вентсин мулоқот намуд
Маҷмуи масоили ҳамкорӣ байни Душанбе ва Шероз баррасӣ шуд
Тоҷикистон ва Амрико дурнамои рушди муносибатҳои дуҷонибаро баррасӣ намуданд
Валид ибни Абдураҳмон ар-Решайдон: «Робитаҳои дуҷонибаи Тоҷикистон ва Арабистони Саудӣ густаришу равнақи бештар меёбанд»
Тоҷикистон ва Донишгоҳи Созмони Милали Муттаҳид Ёддошти тафоҳуми ҳамкорӣ ба имзо расониданд
Дар Теҳрон Истиқлолияти давлатии Тоҷикистонро таҷлил намуданд
Дар ҷамоати шаҳраки «30-солагии Истиқлол»-и ноҳияи Файзобод бинои муассисаи таълимӣ ба истифода дода шуд
