Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
ДУШАНБЕ, 27.11.2024. /АМИТ «Ховар»/. 26 ноябр дар ҳошияи Конфронси 28-уми байналмилалии сармоягузорӣ бо иштироки ҳайати Ҷумҳурии Тоҷикистон дар шаҳри Риёзи Подшоҳии Арабистони Саудӣ ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид. Дар ин хусус ба АМИТ «Ховар» дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар доданд.
Дар ҳамоиш аз ҷониби Раиси Кумитаи давлатии сармоягузорӣ ва идораи амволи давлатӣ Султон Раҳимзода ба доираҳои тиҷоратию сармоягузории Саудӣ имконоти сармоягузории Тоҷикистон муаррифӣ карда шуда, вобаста ба имконияти пешбурди фаъолияти тиҷоратию сармоягузорӣ дар Тоҷикистон ба саволҳои пешниҳоднамудаи иштирокчиён посухҳои мушаххас дода шуд.
Таъкид гардид, ки Тоҷикистон дорои зарфияту имконияти зиёди сармоягузорӣ буда, соҳаҳои энергияи «сабз», бофандагӣ, саноати маъдан, хӯрокворӣ, мошинсозӣ, металлургия, дорусозӣ, истеҳсоли масолеҳи бинокорӣ, сайёҳӣ, рақамикунонӣ ва ғайра дорои имконоти зиёди сармоягузорӣ мебошанд.
Ин имконоту зарфият дар якҷоягӣ бо кафолату имтиёзҳои барои сармоягузорон аз ҷониби Ҳукумати Ҷумҳурии Тоҷикистон пешниҳодшаванда, инчунин афзоиши талабот ва нарх дар бозорҳои дохилӣ, минтақавӣ ва ҷаҳонӣ барои сармоягузорони хориҷӣ шароити хуб муҳайё менамоянд.
Иттилоъ дода шуд, ки моҳи декабри соли равон сафари ҳайати бонуфузи доираҳои тиҷоратию сармоягузории Арабистони Саудӣ ба шаҳри Душанбе барои иштирок дар ҷаласаи нахустини Шурои соҳибкории ду давлат дар назар аст.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Дар Тоҷикистон беш аз 2 миллион тонна ангишт истихроҷ гардидааст
Барномаи рушди соҳаи механиконии инноватсионии кишоварзӣ дар Ҷумҳурии Тоҷикистон баррасӣ гардид
Бонки миллии Тоҷикистон вазъи бозори дохилии асъор ва сиёсати қурбиро шарҳ дод
Раёсат дар Шурои иқтисодии Иттиҳоди Давлатҳои Мустақил дар соли 2025 ба ҷониби Тоҷикистон гузашт
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
