“Дэу Сиело” сабаби марги боз як ноболиғ

Душанбе, 16 ноябр. (АМИТ «Ховар», Музаффари Рустам)- Дирӯз дар шаҳри Кӯлоб соати 7:20 дақиқа садамаи нақлиётӣ рух дод, ки он боиси марги ноболиғ гардид.  Ба иттилои масъули Раёсати БДА ҶТ М. Шамсов мошини тамғаи “Дэу Сиело” таҳти идораи ронанда Мустафо Достиев ҳангоми ҳаракат бо хиёбони Исмоили Сомонӣ пиёдагард Далер Нуралиеви даҳсоларо зер мекунад, ки дар натиҷа номбурда ҷароҳати ҷисмонӣ бардошта, дар ҷойи ҳодиса ба ҳалокат мерасад. Маврид ба зикр аст, ки шабонарӯзи гузашта дар роҳҳои мошингарди ҷумҳурӣ панҷ садамаи нақлиётӣ ба қайд гирифта шудааст, ки бар асари онҳо як нафар ба ҳалокат расида, чор нафари дигар дар беморхонаҳо бистарӣ гардидааст.