Дастгир гардидани гумонбар дар ҷинояти қаллобӣ

Душанбе, 07.03.2016 (АМИТ «Ховар»). 5-уми март дар натиҷаи гузаронидани чорабиниҳои фаврӣ-ҷустуҷӯӣ сокини 30-солаи шаҳри Душанбе бо ҷурми даст доштан дар ҷинояти қаллобӣ дастгир шуд. Номбурда 15-уми апрели соли 2015 бо роҳи фиреб ба бовари марди 39-солаи шаҳри Душанбе даромада, аз ӯ мошини тамғаи «Тойота-Прадо»-ро, ки арзишаш 14000 доллари амрикоӣ мебошад, гирифта ваъда додааст, ки ба ивазаш масолеҳи сохтмонӣ медиҳад, аммо то ҳол ваъдаашро иҷро накардааст. Нисбат ба далели мазкур парвандаи ҷиноятӣ оғоз гардида, тафтиш идома дорад.