Эдвин ван дер Сар ҳанӯз дарвозабон аст

Душанбе, 18.03.2016 (АМИТ «Ховар»).- Дарвозабони маъруфи дастаи мунтахаби Ҳоланд Эдвин ван дер Сари 45-сола барои ҳимояи дарвозаи дастаи Нордвайк барои як бозӣ ба майдон омад ва дар ҷараёни вохӯрӣ зарбаи пеналтиро баргардонд. Ин ҳолат дар ҳине рух дод, ки дарвозабони Нордвайк лат бардошт ва Иттиҳоди футболи Ҳоланд барои касбашро иваз кардани ӯ иҷозат дод.
Имрӯз дар шаҳри Ниони Швейтсария қуръакашии бозиҳои ¼ -ии Ҷоми чемпионҳо ва Лигаи Аврупо баргузор мешавад. Ба қатори 8 дастаи беҳтарин намояндагони панҷ кишвар шомил шудаанд, ки се клуб аз Испания( Атлетико, Барселонава Реал), ду даста аз Олмон (Волсфбург ва Бавария), Бенфика аз Португалия, Манчестер Ситӣ аз Англия ва ПСЖ аз Фаронса мебошанд. Аз он хотире, ки қуръакашӣ ба таври пинҳонӣ сурат мегирад, дастаи як кишвар метавонад рақиби дастаи кишвари худ интихоб шавад.
Дар Лигаи Аврупо дастаҳои «Боруссия» и Олмон, «Ливерпул»-и Англия, «Спарта»-и Чехия, «Вилярреал» , «Атлетик» ва «Севиля»-и Испания, «Шахтер»-и Украина ва «Брага»-и Португалия ба қуръакашӣ омода шудаанд.