«Пайки наврӯз» дар Коллеҷи омӯзгории Кӯлоб

Душанбе, 18.03.2016.(АМИТ «Ховар»).- Имрӯз дар арафаи ҷашни байналмилалии Наврӯз бо мақсади тарғибу ташвиқи ғояҳои миллӣ ва баланд бардоштани ҳисси хештаншиносӣ дар Коллеҷи омўзгории Донишгоҳи давлатии Кӯлоб бо ибтикори бахши Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон чорабинии наврӯзӣ доир гардид.
Директори коллеҷи омӯзгорӣ Фарҳод Шафиев иштирокдорони ин базм, аз ҷумла корвони рӯзноманигоронро, ки дар базми наврӯзӣ иштирок доштанд, табрик намуда, ҳозиринро бо фарорасии иди Наврӯз табрик намуд.
Инчунин намоиши либосҳои миллӣ, ҳафтшин, ҳафтсин ва дигар барномаҳои фарҳангӣ пешкаши ҳозирин гардиданд.