Шаҳрвандони нуҳ кишвар дар фурудгоҳ ва метрои Брюссел ба ҳалокат расидаанд

Душанбе, 28.03.2016.(АМИТ «Ховар»).- Бар асари ҳамлаи террористӣ дар Белгия шахсияти 28 нафари қурбоншуда дар амалҳои террористӣ тасдиқ гардид. Дар ин бора намояндаи прокуратураи Белгия иттилоъ дод. Дар ин ҳамлаҳои террористӣ 31 нафар ба ҳалокат расид. Прокуратура ташхиси тиббии 3 тан аз ҳалокшудагонро интизор аст. Ҳоло дар фурудгоҳ шахсияти 15 нафари ҳалокшуда муайян гардид. Шаш нафар шаҳрванди Белгия ва 9 каси дигар шаҳрвандони ИМА, Нидерландия, Шветсия, Олмон, Фаронса ва Ҷопон мебошанд. Ғайр аз ин шахсияти 13 нафари ҳалокшуда дар метро муайян гардид, ки 10 нафараш шаҳрвандони Белгия, 3 каси дигар аз Итолиё, Шветсия ва Бритониё мебошанд.
Ҳамчунин зикр мешавад, ки департаменти давлатии ИМА марги 2 тани дигар аз шаҳрвандони худро муайян намудааст. Пас шумораи қурбониён аз Амрико ба 4 нафар расидааст.