Таҷлили Рӯзи модарон дар Академияи илмҳо
Душанбе, 07.03.2016. (АМИТ «Ховар»). – Имрӯз дар Академияи илмҳои Ҷумҳурии Тоҷикистон бахшида ба Рӯзи модарон бо иштироки аъзои Раёсат, роҳбарони муассисаҳои илмӣ, бонувон ва олимаҳои Академияи илмҳо маҷлиси тантанавӣ баргузор гардид.
Тавре аз Академияи илмҳои кишвар ба АМИТ “Ховар” хабар доданд, дар оғози маҷлиси тантанавӣ ноиби президенти Академияи илмҳои Ҷумҳурии Тоҷикистон, академик Кароматулло Олимов ҳозирин ва дар шахси онҳо тамоми бонувони Академияи илмҳоро ба Рӯзи модарон табрику таҳният намуд.
Сипас, директори Институти фалсафа, сиёсатшиносӣ ва ҳуқуқи ба номи А.Баҳоваддинови АИ ҶТ, доктори илмҳои фалсафа Абдураҳмон Маҳмадов, шоири халқии Тоҷикистон Аскар Ҳаким, доктори илмҳои филология Алӣ Муҳаммади Хуросонӣ ва ноиби президенти АИ ҶТ, академик Муҳиба Якубова тамоми бонувони Академияи илмҳои Ҷумҳурии Тоҷикистонро ба Рӯзи модарон табрику шодбош намуда, саҳми арзандаи онҳоро дар рушди илми ватанӣ ва дастовардҳои муҳими илмӣ зикр карданд.
Дар маҷлис 31 нафар бонувони Академияи илмҳо бо “Ифтихорномаи Академияи илмҳои Ҷумҳурии Тоҷикистон” сарфароз гардонида шуданд.
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби ин озмун гардид
Имрӯз дар Тоҷикистон ҳавои камабри бебориш дар назар аст
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
