Талабагон ва волидони онҳо қадрдонӣ гардиданд
Душанбе, 10.03.2016. (АМИТ «Ховар»). Дирӯз дар мактаби миёнаи таҳсилоти умумии №59-и деҳаи Гулбуттаи ноҳияи Рӯдакӣ ва мактаби миёнаи таҳсилоти умумии №77-и ноҳияи Фирдавсии шаҳри Душанбе чорабинии тантанавӣ барои қадрдонии хонандагони ин мактабҳо Муҳаммадазими Муҳаммадалӣ ва Амиршоҳ Нодиров баргузор гардид.
Дар чорабинӣ сардори Раёсати кадрҳо ва кор бо ҳайати шахсии ВКД полковники милитсия Абдураҳим Раҳимзода, падару модарони хонандагон ва аҳли ҷамоат иштирок намуданд.
Сардори Раёсати кадрҳо ва кор бо ҳайати шахсии ВКД А.Раҳимзода барои зоҳир намудани зиракиву ҳушёрӣ, ҳисси баланди ватандӯстӣ ва кумак расонидан дар дарёфти силоҳу аслиҳа ба ноболиғон: Муҳаммадазими Муҳаммадалӣ, хонандаи синфи 8-уми мактаби миёнаи таҳсилоти умумии №59-и деҳаи Гулбуттаи ноҳияи Рӯдакӣ ва Амиршоҳ Нодиров, хонандаи синфи 5-уми мактаби миёнаи таҳсилоти умумии №77-и ноҳияи Фирдавсӣ аз номи вазири корҳои дохилӣ Раҳимзода Рамазон Ҳамро изҳори сипос намуда, ба ҳар кадоми онҳо туҳфаҳои қимматнок- «Ноутбук» супорид.
Зикр гардид, ки ин амали фарзандони содиқ, ватандӯст ва шуҷои Ватан боиси таҳсину офарин ва намунаи ибрат аст. Онҳо бо ин рафтори ҷасуронаи худ нишон доданд, ки дар ҳақиқат Ватани хешро дӯст медоранд ва барои тинҷию осоиштагии он саҳми худро мегузоранд.
Сипас дар ҷамоати деҳоти Чимтеппаи ноҳияи Рӯдакӣ дар ҳузури сокинони маҳаллаи мазкур аз номи вазири корҳои дохилии Ҷумҳурии Тоҷикистон ба волидони ин хонандагон «Раҳматнома» ва маблағҳои пулӣ тақдим шуданд.
Зикр гардид, ки ҷавононе, ки барои дарёфти силоҳ кумаки худро расонидаанд, минбаъд барои дохил шудан ба донишкадаҳои мақомоти корҳои дохилии Ҷумҳурии Тоҷикистон ва хориҷи кишвар дорои имтиёзҳо мебошанд.
Мавриди зикр аст, ки 6-уми марти соли 2016 ба ШВКД-1 дар ноҳияи Рӯдакӣ ноболиғони мазкур оид ба дарёфти махфигоҳ бо 3 гранатамёт ва дигар лавозимоти ҷангӣ дар обанбори маҳаллаи Гулбуттаи ноҳияи Рӯдакӣ хабар расониданд.
Гурӯҳи фаврӣ-тафтишотии Вазорати корҳои дохилӣ ҷойи ҳодисаро аз назар гузаронида, силоҳи дарёфтшударо мусодира намуд.
Ҳангоми идома додани амалиёти тозакунӣ аз тарафи гурӯҳи фаврӣ-тафтишотӣ инчунин 1 АКМ, 1 норинҷаки дастӣ, маводи тарканда ва тирҳои қутрашон гуногун дарёфт ва мусодира шуданд.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
