«Бодом дар барф» — шаби эҷодии Тимур Зулфиқоров

Душанбе, 16.04.2016. /АМИТ «Ховар»/. Шаби эҷодии шоир ва нависанда Тимур Зулфиқоров таҳти унвони «Бодом дар барф» рӯзи якшанбе соати 15.00 дар Театри драмаи русии ба номи Маяковскийи шаҳри Душанбе доир мешавад. Дар он Ирина-Дмитриева-Ванн, Шаҳрӣ Яковлева, Наталя Гусейнова ва ҳунармандони театр иштирок мекунанд.
Тимур Қосимов 17 августи соли 1936 дар шаҳри Душанбе таваллуд шуда, Институти адабии ба номи М. Горкийро хатм намудааст.
Асарҳои ӯ ба 12 забони ҷаҳон тарҷума шуда, аз рӯи онҳо зиёда аз 20 филми ҳуҷҷатӣ ва бадеӣ наворбардорӣ шудаанд. Асарҳои Т. Зулфиқоров «Китоби кӯдакии Исои Масеҳ» ва «Суҳбати ду мӯйсафед дар алафи худрӯй» ҳамчунин рағбати баланди хонандагонро бедор намуданд.
Т. Зулфиқоров дорандаи Ҷоизаи Русия «Китоби беҳтарини сол» (2005) дар номгӯи «Наср» барои романи «Эфаи марҷонӣ» мебошад.
Тимур Зулфиқоров солҳои зиёд дар Маскав умр ба сар бурдаву ҳоло дар шаҳри Душанбе истиқомат дорад.