Дар Душанбе ҷаласаи якҷояи ММ ва МН МО ҶТ баргузор мегардад

Душанбе, 29.04.2016/АМИТ «Ховар»/.  Тавре қаблан иттилоъ дода будем, 5 майи соли равон  дар шаҳри Душанбе иҷлосияи шашуми  Маҷлиси миллии Маҷлиси Олии Ҷумҳурии Тоҷикистон даъвати панҷум ва худи ҳамон рӯз ҷаласаи сеюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати панҷум баргузор мегардад.
Аз палатаи болоии Парлумони кишвар ба АМИТ «Ховар» иттилоъ доданд, ки дар ин росто аъзои Маҷлиси миллӣ имкон доранд,   рӯзҳои  3 ва 4 майи соли равон  аз соати 8:00 то соати 17:00  ва 5 май аз соати 7:00 то 8:00 дар бинои Маҷлиси миллии Маҷлиси Олии Ҷумҳурии Тоҷикистон,  ошёнаи сеюм, утоқи  кории  шуъбаи  ташкилӣ ва дар бинои  Маҷлиси  Олии Ҷумҳурии Тоҷикистон, ошёнаи якум, утоқи якум аз қайд гузаранд.

Телефонҳо барои  тамос 221-98-35 ва 221-89-35