Гурӯҳҳои ҷамъиятии ташаббускор барои пешгирӣ намудани нашъамандӣ мубориза мебаранд

Душанбе, 13.04.2016 /АМИТ «Ховар»/. Имрӯз Академияи миллии олимпии Тоҷикистон дар Китобхонаи миллии Тоҷикистон ҳамоиши «Гурӯҳҳои ҷамъиятии ташаббускор оид ба пешгирии нашъамандӣ»- ро доир намуд. Зимни ҳамоиш директори Академияи миллии олимпии Тоҷикистон Ибод Шариф иброз дошт, ки ҳоло дар ҷумҳурӣ 15 гурӯҳҳ ҷамъиятии ташаббускор ташкил шуда, барои пешгирӣ намудани нашъамандӣ фаъолияташонро ба роҳ мондаанд.
Ҳамчунин, бино ба иттилои сармутахассиси бахши ҷавонон, варзиш ва сайёҳии шаҳри Ваҳдат Сафарбек Саидов, 7 январи соли 2014 дар шаҳри Ваҳдат гурӯҳи ташаббускори ҷамъиятӣ таъсис дода шуда, ба он 20 нафар ҷалб карда шудаанд ваонҳо барои пешгирӣ намудани нашъамандию кам намудани сафи нашъамандон корҳои фаҳмондадиҳӣ мегузаронанд.