Лигаи якум: “Саройкамар” ва “Панҷшер” пешсафанд

Душанбе, 30.04.2016 /АМИТ «Ховар»/. Дар бозиҳои даври дуввуми Чемпионати мамлакат дар Лигаи якум дастаҳои “Саройкамар” ва “Панҷшер” бар “Локомотив”(2:0) ва “Ҳулбук”(2:1) ғалаба карда, бо 6 хол аз ду бозӣ ба сафи пеш баромаданд.
Дар даври дуввум “Ваҳдат” бо “Помир”(1:1), “Зарафшон” бо “Комунна” (0:2), “Чашма” бо “Канд”(3:1) ва “Исфара” бо “Кӯктош”(1:3) рақобатҳои худро ба анҷом расониданд.
Ба ҳамин тартиб  ба дарвозаи дастаҳо 17 тӯб ворид шуд, ки 9-тои онро соҳибони майдон ва 8-тоашро меҳмонон ба нишон расонданд. Дар натиҷа дар 3 бозӣ соҳибони майдон ва дар ду бозии дигар меҳмонон ба комёбӣ мушарраф шуданд. Як вохӯрӣ мусовӣ ба поён расидааст.
Даври сеюм рӯзҳои 1-ум  ва 2 май доир мешавад.  “Комунна” бо “Саройкамар”, “Парвин” бо “Ваҳдат”, “Ҳулбук” бо “Исфара”, “Канд” бо “Панҷшер”, “Локомотив” бо “Чашма” ва “Помир” бо “Зарафшон” вориди майдон мешаванд.