СММ: моҳи апрел 155 кишвар созишнома оид ба иқлимро ба имзо мерасонанд
![](https://khovar.tj/wp-content/uploads/2015/12/OON.jpg)
Душанбе, 16.04.2016. /АМИТ «Ховар»/. Шумораи кишварҳое, ки созишнома оид ба иқлимро ба имзо мерасонанд, метавонад зиёдтарин дар таърих — 155 гардад. Аз СММ иттилоъ доданд, ки созишномаро 22 апрел дар Ню-Йорк дар ҳузури беш аз 60 нафар сарони давлатҳо ва ҳукуматҳо ба имзо мерасонанд. Дар ин бора «Газета.ру» хабар дод.
Созишномаи дар Париж қабулшударо панҷ кишвар — Малдив, Барбадос, Тувалу, Самоа ва Белиз ба тасвиб мерасонанд.
Дар охири соли 2015 дар Париж ҳамоиш доир гардида, дар фарҷоми он созишномаи нав дар доираи СММ тасдиқ гардид, ки он меъёрҳои партови газҳои буғхонаӣ пас аз соли 2020 ва тадбирҳои пешгирии тағйирёбии иқлимро муайян мекунад.