«Тоҷикагролизинг» 1130 адад техникаи гуногунтамғаи «МТЗ»-и Беларусро харидааст
Душанбе, 20.04.2016 /АМИТ «Ховар/. Аз 24 то 26 апрели соли равон ҳайати Ҷумҳурии Беларус ба Ҷумҳурии Тоҷикистон ташриф меорад. Зимни сафар мулоқоту вохӯрӣ ва баимзорасии як қатор санаду шартномаҳои ҳамкорӣ дар назар аст.
Дар ҷаласаи 10-уми Комиссияи байниҳукуматии Тоҷикистону Беларус оид ба ҳамкории тиҷоратию иқтисодӣ, ки он 25 апрел дар МД «Китобхонаи миллии Тоҷикистон» баргузор хоҳад гашт, яке аз масъалаҳои муҳим таъмини хоҷагиҳои деҳқонии мамлакат бо техника ва таҷҳизоти кишоварзии истеҳсоли корхонаи «МТЗ»-и Ҷумҳурии Беларус, ки рушди соҳаи кишоварзӣ ба он сахт марбут аст, мавриди баррасӣ қарор гирифта, пешниҳодоти КВДҶ «Тоҷикагролизинг» дар ин замина ба назар гирифта мешавад.
Бояд зикр намуд, ки «Тоҷикагролизинг» ягона корхонаест, ки аз соли 2008 то инҷониб аз Корхонаи тракторбарории «МТЗ»-и Беларус техника ворид намуда, ба тариқи иҷораи молиявӣ ба хоҷагиҳои деҳқонии ҷумҳурӣ пешниҳод менамояд.
Тибқи иттилои сардори маркази матбуоти Корхонаи воҳиди давлати ҷумҳуриявии «Тоҷикагролизинг» Ибодулло Оқилпур, корхона аз давраи таъсис то имрўз 1130 адад техникаи гуногунтамғаи «МТЗ»-ро харидорӣ намуда, дар пешрафти бахшҳои мухталифи кишоварзӣ, таъмини амнияти озуқавории мамлакат ва муҳайё намудани ҷойҳои нави корӣ саҳми босазо гузоштааст.
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
