Ҳаҷми қарзҳои хурд дар ноҳияҳои дурдасти кӯҳистон зиёд шуд

Душанбе, 24.06.2016. /АМИТ «Ховар»/. Бақияи умумии қарзҳо дар ташкилотҳои қарзии ҷумҳурӣ то интиҳои моҳи майи соли равон бо пули миллӣ 4 242, 1 млн. сомонӣ ва бо асъори хориҷӣ 6 714,5 млн. сомониро ташкил медиҳад. Тавре ки  Хадамоти матбуоти Бонки миллии Тоҷикистон хабар медиҳад, таркиби бақияи қарзҳо аз 42,6% (4 670,8 миллион сомонӣ) қарзҳои кӯтоҳмуддат ва 57,4% (6 285,8 миллион сомонӣ) қарзҳои дарозмуддат иборат мебошад.
Қобили зикр аст, ки ҳаҷми қарзҳои хурди дар моҳҳои январ-майи соли равон додашуда, 1 471,5 миллион сомониро ташкил дода, аз ин маблағ 301,8 миллион сомонӣ ба ноҳияҳои дурдасти кӯҳистон рост меояд, ки назар ба моҳи апрели соли равон 47,2 миллион сомонӣ зиёд мебошад.