Дастгир гардидани гумонбар дар ҷинояти авбошӣ

Душанбе, 20.06.2016 /АМИТ «Ховар»/. 19 июн ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия марди 38-солаи сокини шаҳри Душанбе, ки пеш бо моддаи 105 Кодекси ҷиноятии Федератсияи Русия суд шудааст, бо гумони содир намудани ҷинояти авбошӣ дастгир гардид.
Тавре аз Вазорати корҳои дохилии кишвар хабар доданд, гумонбаршуда 18 июни соли равон тахминан соатҳои 17:30 аз ҳиссиёти авбошӣ тартиботи ҷамъиятиро дағалона вайрон намуда, марди 50-солаи сокини шаҳри Душанберо бе ягон асос латукӯб намуда, бо корди ошхонагӣ се маротиба ба баданаш зада, аз ҷои ҳодиса ғайб задааст.
Дар натиҷа марди ҷабрдида ҷароҳати ҷисмонӣ бардошта, дар беморхона бистарӣ карда шудааст.