Э. Сангинзода: Ваҳдати миллӣ барои сарзамини аҷдодии мо суботу оромии воқеиро таъмин намуд

Душанбе, 24.06.2016 /АМИТ «Ховар»/.  Имрўз   дар Вазорати меҳнат, муҳоҷират ва шуғли аҳолии Ҷумҳурии Тоҷикистон маҷлиси тантанавӣ бахшида ба Рўзи Ваҳдати миллӣ баргузор гардид.
Дар чорабинии мазкур роҳбарият ва кормандони дастгоҳи марказӣ, Агентии меҳнат ва шуғли аҳолӣ ва муассисаҳои давлатии низоми  вазорат иштирок намуданд.
Тавре аз вазорати мазкур хабар доданд, дар  чорабинӣ муовини якуми вазир Эмини Сангинзода зикр кард, ки ин санаи муҳими    пурнишоту  ҳаётбахш дар муддати начандон тўлонии таърих дар қалбҳои мардуми  мо  маскан гирифта,  ба  рўйдоди азизу  гиромӣ  табдил ёфт.
Инчунин ӯ гуфт, ки    ин Рўзи муборак барои сарзамини аҷдодии мо суботу оромии воқеиро таъмин намуда,  ваҳдати миллиро ба вуҷуд овард  ва зиндагиеро  фароҳам  сохт,  ки онро ҳар фарди покдилу некхоҳи мамлакат дер боз интизор буд.