Олимон муайян кардаанд, ки дар кадом рӯз одам аз хоб беҳтар сер мешавад

Душанбе, 30.06.2016 /АМИТ «Ховар» /. Олимони  Британия муайян  кардаанд, ки рӯзҳои истироҳат барои аз хоб сер шудан мувофиқ нестанд. Тадқиқот оид ба ин мавзӯъ дар як маҷаллаи тиббӣ ба табъ расидааст.
Бино ба ақидаи олимон, нишондиҳандаҳои асосии сифати хоб имконияти ба зудӣ хобидан, хоби солим ва бедоршавии осон мебошанд.
Дар натиҷаи озмоиши 5000 нафар ихтиёрӣ  маълум шуд, ки хоби бештар судманд  хоби шаби сешанбе ба чоршанбе мебошад.
Ба гуфтаи олимон, маҳз дар ҳамин вақт одамон то дер сайру гашт намекунанд ва истеъмоли машруботу хӯроки серравғанро маҳдуд менамоянд. Дар ҳоле, ки дар рӯзҳои истироҳат ҳамаи ин омилҳо мушоҳида намешаванд.