Ш. Шоҳин: Бунёди синфхонаҳои иловагӣ дар деҳаи Пистамазор

Душанбе, 30.06.2016. /АМИТ «Ховар»/. Дар рӯзҳои таҷлили 19-солагии Рӯзи Ваҳдати миллӣ дар деҳаи Пистамазори Ҷамоати деҳоти Саричашмаи ноҳияи Шамсиддин Шоҳин 5 синфхонаи иловагӣ барои хонандагони муассисаи таҳсилоти миёнаи умумии № 42 бо маблағгузории Мақомоти иҷроияи ҳокимияти давлатии ноҳия, ки маблағи умумии он 300 000 сомониро ташкил мекунад, мавриди баҳрабардорӣ қарор дода шуд.
Дар кори сохтмону навсозии мактаб саҳми соҳибкори маҳаллӣ Сулаймон Шамсов низ назаррас аст. Ӯ аз ҳисоби худ 100 адад мизу курсӣ барои хонадагон, 5 адад мизу курсӣ барои омӯзгорон ва 5 адад тахтаи синфӣ харидорӣ намуда, дар рӯзи ифтитоҳи бинои нав ба мактабиён туҳфа намуд.