Дар Кӯлоб ҷавоне ҳамсоли худро бо корд зад

Душанбе, 22.07.2016. /АМИТ «Ховар»/. Кормандони милитсия ҷавони 24-солаи сокини шаҳри Кӯлобро бо гумони расонидани зарари ҷисмонӣ дастгир карданд.
Номбурда 20 июли соли равон тахминан соати 20:00 дар майдончаи варзишии шаҳри Кӯлоб аз сабаби муноқишаи бамиёномада, бо ҷавони 24 солаи сокини шаҳри мазкур ҷангу ҷанҷол карда, бо корди дар дасташ буда 2-маротиба ба баданаш задааст.
Дар натиҷа ҷабрдида ҷароҳати ҷисмонӣ бардошта, дар беморхона бистарӣ гаштааст.
Оид ба ин ҳодиса тафтишот идома дорад.
Дар ин бора ба АМИТ «Ховар» аз Вазорати корҳои дохилии кишвар хабар доданд.