Дар Конибодом сохтани синфҳои иловагӣ шурӯъ шуд

Конибодом, 09.07.2016. /АМИТ «Ховар»/. Дар Муассисаи таҳсилоти миёнаи умумии № 53-и ҷамоати деҳоти ба номи Раҷаб Ҳамробоеви шаҳри Конибодом сохтмони синфхонаҳои иловагӣ шурӯъ гардид.
7 июли соли равон ба ин муносибат дар мактаби мазкур ҷамъомад доир шуд, ки дар он роҳбарият, сокинони маҳаллаҳои ба номи А.Шукуров ва С.Боҳиров, кумитаи падару модарони мактаб иштирок карда, таклифҳои худро бобати сохтмони синфхонаҳо баён доштанд.
Бояд зикр кард, ки сохтмони ин синфхонаҳо ба тариқи ҳашар сурат гирифта, худи сокинони деҳа ба бунёдаш камари ҳиммат бастаанд.
Мақсад аз сохта ба истифода додани синфхонаҳои иловагӣ ин ба таҳсил фаро гирифтани шумораи бештари хонандагони ҳудуди маҳал ва хубтар ба роҳ мондани раванди таҳсил мебошад.