Дар ноҳияи Б. Ғафуров 150 км роҳ бо харҷи 2,3 млн. сомонӣ таъмир карда шуданд

Душанбе, 23.07.2016. /АМИТ «Ховар»/. Аз оғози соли равон то ба имрӯз дар ноҳияи Бобоҷон Ғафуров бо харҷи 2,3 миллион сомонӣ беш аз 150 км роҳҳои ноҳия мавриди таъмир қарор гирифтааст.
Аз Мақомоти иҷроияи ҳокимияти давлатии ноҳияи Бобоҷон Ғафуров иттилоъ доданд, ки аз миқдори умумии роҳҳои таъмиршуда 5,5 километри он пурра мумфарш карда шудааст. 93,3 км роҳҳо аз таъмири ҷорӣ бароварда шуда, 54 километри дигар шағалпӯш карда шудааст.
Дар назар аст, ки то анҷоми сол беш аз 50 километр роҳҳо таъмир карда шавад.