26 медали тиллои варзишгарони шаҳри Ваҳдат дар соли 2015

Душанбе. 08.10.2016, /АМИТ «Ховар»/. Мақомоти иҷроияи ҳокимияти давлатии шаҳри Ваҳдат дар замони Истиқлолияти давлатӣ ба соҳаи варзиш аҳамияти калон дода, ҷиҳати ҷалби ҷавонон ба варзиш корҳои муайянеро анҷом додааст. Барои рушди соҳаи футбол бо қарорҳои раиси шаҳр 231 ҳазор сомонӣ ба дастаи «Хайр» ва «Ваҳдат»-и шаҳри Ваҳдат аз буҷаи маҳаллӣ маблағ ҷудо шудааст. Инчунин барои ҳавасманд намудани варзишгарон ва гузаронидани чорабиниҳои гуногуни варзишӣ 114 ҳазор сомонӣ ҷудо гардидааст.
Натиҷаи дастгириҳои раиси шаҳр буд, ки соли 2015 варзишгарони шаҳр дар 26 мусобиқаҳои шаҳру ноҳияҳои тобеи марказ иштирок намуда, соҳиби 26 медали тилло, 4 медали нуқра ва 26 медали биринҷӣ гардиданд. Дар мусобиқаҳои байналмиллалӣ бошад ба гирифтани 2 медали нуқра комёб гардиданд.