Ҳамкорӣ бо мақсади бартараф кардани хушунат, табъиз нисбат ба занон ва кам кардани таъсири ифротгароӣ дар Тоҷикистон

Файзобод, 10.10.2016. /АМИТ «Ховар»/. 8-уми октябри соли равон дар Филармонияи халқии ноҳияи Файзобод бо иштироки директори Лигаи занони ҳуқуқшиноси Тоҷикистон Зебо Шарифова ва намояндаи Кумитаи кор бо занон ва оилаи назди Ҳукумати Ҷумҳурии Тоҷикистон Ҷавоҳир Акобирова дар мавзӯи «Ҳамкорӣ бо мақсади бартараф кардани хушунат, табъиз нисбат ба занон ва кам кардани таъсири ифротгароӣ дар Тоҷикистон» семинари омӯзишӣ баргузор гардид.
Дар семинар Тоҳир Рашидӣ ва Зебо Шарифова оид ба зӯроварӣ дар оила, ҳифзи ҳуқуқи занон, мушкилоти занони эҳтиёҷманд, ҳуқуқҳои зан аз нигоҳи дини мубини Ислом ва шомил нагардидани занон ба гурӯҳҳои ифротгароӣ сухан гуфтанд.
Иштирокдорони семинар иброз доштанд, ки аз оилаҳои худ оғоз намуда, дар маҳаллаю ҷамъомадҳо дастгирию ғамхориҳои Ҳукумати Ҷумҳурии Тоҷикистонро оид ба бартараф намудани мушкилоти занон дар ҷомеа таблиғу ташвиқ менамоянд.