Департаменти давлатии ИМА: тамоми неруҳои байналмилалӣ дар Ироқ бояд бо ризоияти мақомоти кишвар амал кунанд

Душанбе, 12.10.2016 /АМИТ «Ховар»/. Намояндаи расмии департаменти давлатии ИМА Ҷон Кирби рӯзи сешанбе изҳор дошт, ки тамоми неруҳои байналмилалӣ дар Ироқ бояд мутобиқ бо созишнома ва ризоияти мақомоти кишвар амал кунанд.
«Дар хабарҳои охири ВАО дар бораи нақши неруҳои байналмилалӣ дар амалиёти Ироқ оид ба озодкунии Мосул навиштаанд. ИМА борҳо дар бораи дастгирии ваҳдат ва истиқлолияти Ироқ иброз намудааст, зеро мо мутмаинем, ки тамоми неруҳои байналмилалӣ бояд он ҷо бо иҷозати ҳукумати Ироқ ҳузур дошта бошанд ва таҳти сарпарастии эътилоф ҳамкорӣ намоянд», — гуфта мешавад дар изҳороти Кирби.
Намояндаи расмии департаменти давлатӣ дар ояндаи наздик ҳамкории зичтареро дар мубориза бар зидди гурӯҳи ба ном «Давлати исломӣ» (ДИ, дар Тоҷикистон мамнӯъ аст) ҳатмӣ номид.