Хатарҳои муосири геополиткӣ оид ба Истиқлолияти давлатии Ҷумҳурии Тоҷикистон: роҳҳо ва усулҳои пешгирӣ аз онҳо

Душанбе. 08.10.2016, /АМИТ «Ховар»/. Дирӯз вохӯрии роҳбарияти Кумитаи Иҷроияи Ҳизби Халқии Демократии Тоҷикистон (КИҲХДТ) дар шаҳри Ваҳдат бо донишҷӯёни Коллеҷи омори шаҳр баргузор гардид.
Дар вохӯрӣ раиси ташкилоти ибтидоии ҳизбии «Коллеҷи омор» Зоир Раҳмонов ва раиси КИҲХДТ дар шаҳри Ваҳдат Руқия Раҳматзода дар мавзӯи «Хатарҳои муосири геополиткӣ оид ба Истиқлолияти давлатии Ҷумҳурии Тоҷикистон: роҳҳо ва усулҳои пешгирӣ аз онҳо» маърӯза намуда, зикр карданд, ки: «Дар тӯли 25-соли Истиқлолият дар шаҳри Ваҳдат бо дастуру ҳидоятҳои Асосгузори сулҳу Ваҳдати миллӣ — Пешвои миллат Раиси муаззами ҳизб, муҳтарам Эмомалӣ Раҳмон як қатор корҳои ободкорӣ ба анҷом расонида шуданд, ки намунаи онҳо васеъ намудани кӯчаи Сомониён, ба истифода додани бинои нозироти андоз ва манзили истиқоматии 5-ошёна, фурӯзонкунии кӯчаи Рӯдакӣ ҳамчунин идомаи сохтмони иншооти азими аср варзишгоҳи марказӣ бо 25 ҳазор ҷойи нишаст мебошад».