М. Тоҳирӣ: «100 сол умр дида, солим мондан мумкин аст!»
Душанбе, 04.10.2016. /АМИТ «Ховар»/. Гиёҳпизишк, табиб, академик ва Раиси ассотсиатсияи тибби халқӣ Муллозуҳур Тоҳирӣ ният дорад, ки дар муддати як моҳ, яъне аз 1 октябр то 1 ноябр дар муассисаҳои давлатию мактабҳои олии кишвар силсилаомӯзишҳоро ба роҳ монад.
Ин омӯзишҳо ба муносибати 25-солагии Истиқлолияти давлатии Ҷумҳурии Тоҷикистон таҳти унвони «Чӣ тавр 100 сол умр дида, солим бимонӣ» гузаронида мешаванд.
Чунин омӯзиш имрӯз дар Агентии миллии иттилоотии Тоҷикистон «Ховар» низ гузаронида шуд.
Муллозуҳур Тоҳирӣ ба иштирокчиён дар бораи тарзи ҳаёти солим, дуруст нӯшидани об, истифодаи маводи доруворӣ ва гиёҳҳо маълумот дод. Бино ба гуфтаи табиб, яке аз роҳҳои саломат нигоҳ доштани бадан- ин ханда мебошад. «Ханда ҳам доруст, одамро табобат мекунад- ин мисраъҳоро ман ҳанӯз 20 сол қабл гуфта будам. Ҳар як шахс бояд доимо табъи болида дошта бошад. Кинаву адоват ба шахс таъсири манфӣ мерасонанд. Барои болидагии хотир ҳар субҳи худро бо машқи пагоҳирӯзӣ огоҳ кунед. Дар ҷои кор кӯшиш кунед то ҳар як соат 5-10 дақиқа аз назди компютер дур шуда, машқи чашму баданро иҷро кунед»,-маслиҳат дод М. Тоҳирӣ.
Бояд гуфт, ки Муллозуҳур Тоҳирӣ соли 2004 бо унвони «Табиби беҳтарини ҷаҳон» сарфароз шудааст. Вай муаллифи 40 китоб буда, истеҳсоли 17 гиёҳчой ва дорувориро ба роҳ мондааст.
Номи М. Тоҳирӣ дар китоби рекордҳои Гиннес дарҷ гаштааст. Солҳои охир китоб, гиёҳчой, дорувориву нӯшобаҳои Муллозуҳур Тоҳирӣ на танҳо дар дохили кишвар, балки берун аз он ҳам машҳур гаштаанд.
Муллозуҳур Тоҳирӣ ният дорад, ки чунин омӯзишҳоро дар Қазоқистон ва Русия низ ба роҳ монад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
