Намоиши аксҳо ва фестивали филмҳои аврупоӣ дар «Бохтар»
Душанбе, 12.10.12016./АМИТ «Ховар»/. 11 октябри соли 2016 дар Маркази фарҳангии «Бохтар» намоиши аксҳои аксбардорони тоҷик Ҷамшед Холиқов ва Шӯҳрат Авезов таҳти унвони «Саёҳат дар Аврупо» ифтитоҳ гардид. Намоиш тӯли ҳафта ҳаводорони худро интизор аст.
Инчунин шоми дирӯз дар Маркази фарҳангии «Бохтар» Фестивали филмҳои аврупоӣ оғоз гардид. Намоиши филмҳо рӯзҳои 12, 14 ва 15-уми октябр соати 18:00 баргузор мегардад.
Намоишҳои мазкур дар доираи «Ҳафтаи аврупоӣ», ки 10 октябр оғоз гардид ва то 16 октябр идома меёбад, сурат мегиранд. Ҳафтаи аврупоӣ аз ҷониби Намояндагии Иттиҳоди Аврупо дар Тоҷикистон ва маркази фарҳангии «Бохтар» дар ҳамкорӣ бо Вазорати фарҳанги Ҷумҳурии Тоҷикистон, сафоратхонаҳои Фаронса, Бритониёи Кабир ва Олмон дар Тоҷикистон баргузор мегардад.
Тӯли ҳафта гузаронидани маҳфилҳои гуногун, озмунҳо, намоишҳо, нишастҳои матбуотӣ, барномаҳои консертӣ ва намоишҳои театрӣ дар назар аст.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
