Намоишномаи «Шабе дур аз Ватан» ба Алмаато меравад
Душанбе, 19.10.2016 /АМИТ «Ховар»/. Намоишномаи «Шабе дур аз Ватан» -и Театри давлатии ҷавонон ба номи М. Воҳидов дар Фестивали VI байналхалқии «Қазоқистон дили Авру Осиё» иштирок хоҳад кард.
Фестивал аз 22 то 29 октябр бахшида ба 25-солагии Истиқлолияти давлатии Қазоқистон бо ибтикори Вазорати фарҳанг ва варзиши Қазоқистон дар шаҳри Алмаато баргузор мегардад.
«Шабе дур аз Ватан» бардоште аз ашъори Бозор Собир буда, бо коргардонии ҳунарпешаи шинохта Нозим Меликов рӯи саҳна омадааст. Нақшҳои асосиро дар намоишнома Моҳпайкар Ёрова, Абдумӯъмин Шарипов ва Сӯҳроб Ҷанҷолов иҷро кардаанд. Ҳайати панҷнафараи театрро дар сафари Қазоқистон директори театри мазкур, Ҳунарпешаи шоистаи Тоҷикистон Толиб Бобоев роҳбарӣ менамояд.
Намоишномаи «Шабе дур аз Ватан» то ин муддат дар чандин фестивал ва озмунҳои Федератсияи Русия, Молдова, Қазоқистон, Қирғизистон иштирок намуда, соҳиби дипломҳо ва ифтихорномаҳо гардидааст.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
