СММ: Ҷузъиёти созишнома дар Яман танҳо дар ҳолати ризоияти ҷонибҳои даргир эълон мешавад
Душанбе, 17.10.2016 /АМИТ «Ховар»/. Ҷузъиёти созишнома оид ба оташбас дар Яман танҳо дар ҳолате интишор мешавад, ки агар тарафҳои даргир бо ақидаи пешниҳодкардаи ИМА ва Бритониё оид ба оштии фаврӣ розӣ шаванд. Дар ин бора ТАСС бо такя ба фиристодаи махсуси дабири кулли СММ оид ба Яман Исмоил улд Шайх Аҳмад изҳор доштааст.
«Маълумоти муфассал оид ба Созишнома дар бораи оташбас дар Яман ҳамон вақт эълон карда мешавад, ки агар тарафҳои даргир ин созишномаҳоро тасдиқ намоянд», — зикр кард ӯ.
Пештар рӯзи якшанбе, дар як мулоқоти дуҷониба дар Лондон, вазири корҳои хориҷии Бритониё Борис Ҷонсон ва котиби давлатии ИМА Ҷон Керрӣ ба оташбаси фаврӣ дар Яман даъват намуданд. Бино ба гуфтаи Ҷон Керрӣ, созиш бояд ҳарчи зудтар ба даст ояд ва рӯзҳои душанбе ва ё сешанбе барои ин мақсад муносиб аст.
Муноқишаи мусаллаҳона миёни неруҳои ҳукуматӣ ва шӯришиёни «Ансоруллоҳ» дар Яман аз моҳи августи соли 2014 идома дорад. То ба имрӯз музокирот барои сулҳ дар кишвар, ки якчанд моҳ давом дорад, натиҷаҳои назаррас наовардааст.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
