ВАО: Соҳиби iPhone 7 дар Чин аз таркиши смартфон ҷароҳат бардошт

Душанбе, 12.10.2016 / АМИТ «Ховар» /. Бино ба гузориши матбуоти маҳаллӣ, як сокини шаҳри Чжэнчжоуи музофоти Хэнан дар бораи таркиши ногаҳонии iPhone 7 гулобиранги худ нақл кард, ки ин нахустин ҳодиса дар Чин мебошад.
Тибқи хабари рӯзномаи «China Daily» як видео бо нақли ин ҳодиса дар Интернет пайдо шуд. Ҳодиса ҳафтаи гузашта, ҳангоми истифодаи камераи телефон рух дод.
Иттилоъ дода мешавад, ки телефон ба ду қисм ҷудо шуда, рӯю дасти соҳиби он ҷароҳат бардоштааст.
Таъкид мешавад, ки намояндагии Apple дар Чин доир ба ин ҳодиса ба идораи ширкат хабар додааст.