Чемпионати мамлакат оид ба дзюдо ба Рӯзи Парчами давлатии Ҷумҳурии Тоҷикистон бахшида мешавад

Душанбе, 23.11.2016 /АМИТ «Ховар»/. 26 ва 27 ноябр дар Маҷмааи варзишии Муассисаи давлатии «Мактаби ҷумҳуриявии маҳорати олии варзишӣ» оид ба намудҳои гӯштин Чемпионати Тоҷикистон оид ба дзюдо баргузор мегардад, ки он ба Рӯзи парчами давлатии Ҷумҳурии Тоҷикистон бахшида мешавад. Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.
Ба иттилои манбаъ, дар мусобиқаи имсола беҳтарин паҳлавонони кишвар дар вазнҳои 60, 66, 73, 81, 90, 100 ва аз 100 килограмм зиёд барои унвони чемпионӣ мубориза мебаранд.
Ғолибон бо диплом, медалҳо ва туҳфаҳо сарфароз мегарданд.