Х. Холиқназар: «Мо ба Президенте, ки миллати Амрико интихоб кардааст, эҳтиром мегузорем»
Душанбе, 09.11.2016 /АМИТ «Ховар»/. «Мо, мардуми Ҷумҳурии Тоҷикистон ба Президенте, ки миллати Амрико онро интихоб кардааст, эҳтиром гузошта, онро қобили қабул мешуморем. Бо маъмурияти наве, ки интихоб мешавад, кӯшиш мекунем ҳамаҷониба ҳамкории мутақобилан судманд ва ҳамаҷонибаро ба роҳ монем. Ҳадафи асосии Ҷумҳурии Тоҷикистон ҳамин аст»,- чунин иброз намуд Худобердӣ Холиқназар, директори Маркази тадқиқоти стратегии назди Президенти ҶТ ба хабарнигори «Ховар» имрӯз дар робита ба пирӯз шудани Доналд Трамп дар интихоботи президентӣ дар Амрико.
«Бояд гуфт, ки ҳанӯз ин натиҷаи ниҳоӣ ва дақиқ ба ҳисоб намеравад. Танҳо баъд аз ҳисоби овозҳо дар тамоми иёлатҳо натиҷаи ниҳоӣ маълум мешавад. Вале вақте Ҳиллари Клинтон ба Доналд Трамп занг зада, ӯро бо пирӯзӣ табрик намудааст, ин баёнгари он аст, ки аллакай дар Амрико Доналд Трамп Президенти Амрико интихоб шудааст. Муҳимтарин василае, ки дар Амрико вуҷуд дорад-ин ба даст овардани 270 овози интихобкунандагон аст. Мо имрӯз дидем, ки Трамп на танҳо 270, балки 276 овоз ба даст овард ва Ҳиллари Клинтон танҳо 218 овоз ба даст овард», -илова намуд Худобердӣ Холиқназар.
Як рӯз пеш мутахассисон, коршиносони машҳури Амрико ва Аврупо дар пайи назарсанҷиҳо ҳадс зада буданд, ки дар интихоботи президентии Амрико Ҳиллари Клинтон ҳатман пирӯз мешавад.
Директори Маркази тадқиқоти стратегӣ иброз намуд: «Интихоботро наметавон пешгӯӣ кард, ки дар оянда дар он кишвар чӣ мешавад. Дар лаҳзаҳои охирин низ барномаҳои гуногуни таблиғотӣ метавонанд таъсири худро расонанд. Дар Амрико рӯзи хомӯшӣ вуҷуд надорад ва онҳо ҳатто дар рӯзи интихобот низ метавонанд таблиғотро анҷом диҳанд».
Доналд Трамп тоҷири 70-солаи амрикоӣ, ки қаблан дар мақомоти давлатӣ фаъолият накардааст, Президенти 45-уми Иёлоти Муттаҳидаи Амрико интихоб шуд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
