Рӯзи Конститутсияро зери осмони софу беғубор таҷлил мекунем!

Душанбе, 04.11.16. /АМИТ «Ховар»/. Мутахассисони Агентии обуҳавошиносии Тоҷикистон рӯзҳои истироҳат дар ҷумҳурӣ ҳавои тағйирёбандаи беборишро пешгӯӣ менамоянд.
Тавре ба АМИТ «Ховар» аз агентии мазкур хабар доданд, 5 -6 ноябр дар қаламрави ҷумҳурӣ ҳавои соф дар назар дошта шуда, сардии ҳарорати ҳаво боқӣ мемонад. 5 ноябр дар қисми шимолӣ ва марказии ҷумҳурӣ туман ба амал меояд.
Бар асоси пешгӯии обуҳавошиносон, имрӯз, 4 ноябр дар ҷумҳурӣ ҳаво баъд аз нисфирӯзӣ мӯътадил гашта, дар Суғд то 4-9 дараҷа, Хатлон -12-17 дараҷа, навоҳии тобеи марказ- 11- 16 дараҷа ва ВМКБ то 8-13 дараҷа гарм хоҳад шуд.