Соли 2018 дар имтиҳонҳои марказонидашудаи дохилшавӣ навиштани иншо ё эссе роҳандозӣ мегардад

Ноябрь 21, 2016 14:50

Маркази тестиДушанбе, 21.11.2016. /АМИТ «Ховар»/. Имрӯз дар гимназияи №53-и ноҳияи Исмоили Сомонии шаҳри Душанбе бо мақсади дар соли 2018 ба имтиҳонҳои марказонидашудаи дохилшавӣ ворид намудани иншо ё иншои хурд (эссе) аз тарафи кормандони Маркази миллии тестии назди Президенти Ҷумҳурии Тоҷикистон барои санҷиш ва омодагӣ аз хонандагони синфи 11 иншо гирифта шуд. Дар ин бора ба хабарнигори АМИТ «Ховар» аз Маркази миллии тестӣ хабар доданд.
«Санҷиши имрӯзаи мо дар 13 мактаби шаҳри Душанбе ва фардо дар шаҳрҳои Ҳисор, Ваҳдат ва ноҳияи Рӯдакӣ мегузарад, ки дар умум 1000 нафарро дар бар мегирад. Дар он аз хонандагон иншо гирифта мешавад. Мақсад ин аст, ки онҳо чӣ гуна иншо менависанд, зимни навиштани он чӣ мушкилот ба вуҷуд меояд ва онҳоро чӣ гуна паси сар бояд кард, то ки дар оянда натиҷаи самарабахш ва тартибу интизоми хуб риоя карда шавад»,- иброз дошт Нурулло Мирзоматов, сармутахассиси Маркази миллии тестии назди Президенти Ҷумҳурии Тоҷикистон.
«Пас аз санҷишҳои имрӯза натиҷаи онро мо тафтиш карда, хулоса мебарорем, ки дар соли 2018 ин низомро дар имтиҳонҳои марказонидашудаи дохилшавӣ чӣ гуна роҳандозӣ намоем»,-илова кард мавсуф.
Бояд тазаккур дод, ки аз соли 2018 дар имтиҳонҳои марказонидашудаи дохилшавӣ навиштани иншо роҳандозӣ мегардад, ки дараҷаи баланди он ду саҳифаи чопӣ ё 250 калимаро ташкил медиҳад.

Ноябрь 21, 2016 14:50

Хабарҳои дигари ин бахш

«Ҷойгоҳи зан дар даврони Истиқлол»-таҳти чунин унвон дар Левакант конфронси ҷумҳуриявӣ доир гардид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд