Дар шаҳри Москва озмуни байналхалқии рақс баргузор мегардад
ДУШАНБЕ, 20.12.2016 /АМИТ «Ховар»/. 22 апрели соли 2017 дар шаҳри Маскави Федератсияи Россия озмуни байналхалқии рақси «Мусиқии Шарқ» баргузор мегардад. Дар ин бора аз Вазорати фарҳанги Ҷумҳурии Тоҷикистон иттилоъ доданд.
«Озмун бо мақсади таҳкими робитаҳои дӯстиву фарҳангии Россия ва кишварҳои Шарқ ва дастгирии Думаи давлатии Россия, ташкилоти «Россотрудничество», Ҳукумати шаҳри Маскав, Донишгоҳи давлатии Маскав ба номи М.В. Ломоносов, радиои «Шарқ», марказҳои фарҳангии Тоҷикистон, Ӯзбекистон, Озарбойҷон ва Доғистон гузаронида мешавад»,-зикр кард манбаъ.
Ба озмун ҳунарпешаҳои рақси кишварҳои Шарқ аз Миср то Ҷопон даъват карда мешаванд.
«Тибқи талабот дар озмун хоҳишмандони аз 12 то 30-сола метавонанд ширкат варзанд. Муҳлати қабули аризаҳо барои иштирок аз 1 феврал то 1 апрели соли 2017 муайян гардидааст»,-илова кард манбаъ.
Хоҳишмандон метавонанд маълумоти муфассалро дар суроғаи кумитаи тадорукот бо нишонии http://vfarhang.tj/file_upload/161220133018ПРАВИЛА.pdf дарёфт намоянд.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
