Кормандони милитсия донишҷӯёни Коллеҷи муҳандисию омӯзгориро ба илмомӯзию ватандӯстӣ даъват карданд
ДУШАНБЕ, 29.12.2016. /АМИТ «Ховар»/. Дар вохӯрии кормандони милитсия бо омӯзгорону донишҷӯёни Коллеҷи муҳандисию омӯзгории шаҳри Душанбе оид ба масъалаҳои марбут ба илму донишомӯзии ҷавонон, пешгирии ҳуқуқвайронкуниву ҷинояткорӣ ва ҳолатҳои шомилшавии онҳо ба ҳизбу ҳаракатҳои экстремистиву террористӣ изҳори назар карда шуд.
Тавре аз Вазорати корҳои дохилӣ хабар доданд, дар ҷамъомад сардори Раёсати нозиротӣ-ташкилии ВКД, полковники милитсия Абдураҳим Раҳимзода тамоми паҳлӯҳои вобаста ба ҳаёту фаъолияти ҷавонон, аз ҷумла донишҷӯёнро таҳлил кард. А. Раҳимзода иброз дошт, ки «дар зарфи 11 моҳи соли 2016 аз тарафи ноболиғон 647 ва аз ҷониби ҷавонон беш аз 5 ҳазору 350 ҳолати ҷиноӣ ба қайд гирифта шудааст. Дар ин миён, мутаассифона, донишҷӯён низ дар содир намудани ҷиноят даст доранд. Аз тарафи онҳо 30 амали ҷиноӣ содир гардидааст».
Директори Коллеҷи муҳандисию омӯзгорӣ Зулайхо Зокирова ба масъулини ВКД барои вохӯрии судманд изҳори сипос намуда, изҳор дошт, ки чунин ҷамъомадҳо барои пешгирии ҷинояткорӣ дар байни донишҷӯён мусоидат мекунанд.
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Имрӯз дар ноҳияҳои алоҳидаи кӯҳии Тоҷикистон борон меборад
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
