«Макони умрбахш»- китоби тозанашр ба муносибати 80-солагии Таваллудхонаи вилоятии Суғд

ДУШАНБЕ, 30.12.2016 /АМИТ «Ховар»/. Соли равон куҳантарин таваллудхонаи вилояти Суғд 80- сола шуд. Бахшида ба ин ҷашн хабарнигори АМИТ «Ховар» дар вилояти Суғд Абдуаҳад Шарифзода китоберо бо номи «Макони умрбахш» ба нашр расонид.
Китоби тозанашр дар матбааи ҶСК «Набӣ Фахрӣ» рӯи чоп омадааст. Дар оғози китоб аз суханронии Пешвои миллат Эмомалӣ Раҳмон оид ба соҳаи тандурустӣ иқтибос оварда шудааст.
«Макони умрбахш» аз шаш қисм иборат буда, дар он оид ба таърихи таъсиси таваллудхонаи мазкур, аввалин шахсоне, ки дар таъсиси ин муассисаи тиббӣ саҳм гузошта, заҳмати шабонарўзӣ намудаанд, маълумот ва аксҳои ҷолиб оварда шудаанд.