Сокинони Тоҷикистон дар иди Соли нави мелодӣ чанд рӯз истироҳат мекунанд?
ДУШАНБЕ, 26.12.2016/АМИТ «АМИТ «Ховар»/. Мувофиқи тақвим 1 январи соли 2017 ба рӯзи якшанбе, яъне рӯзи истироҳат рост меояд. Дар робита ба ин, дар рӯзҳои истиқболи Соли нави мелодӣ шаҳрвандони Ҷумҳурии Тоҷикистон чанд рӯз истироҳат мекунанд? Тавре зимни посух ба саволи хабарнигори АМИТ «Ховар» муовини раиси Федератсияи Иттифоқҳои касабаи мустақили Тоҷикистон Исмоил Файзизода зикр намуд, мувофиқи моддаи 3-и Қонуни Ҷумҳурии Тоҷикистон «Дар бораи рӯзҳои ид» 1 январ, ки иди Соли нави мелодӣ ба ҳамин рӯз рост меояд, ҳамчун рӯзи иди ғайрикорӣ, яъне истироҳат мебошад. Инчунин тибқи қисми 5-и моддаи 89 -и Кодекси меҳнати Ҷумҳурии Тоҷикистон агар рӯзи истироҳат ба рӯзи иди ғайрикорӣ рост ояд, рӯзи истироҳат ба рӯзи аввали кории баъд аз рӯзи иди ғайрикорӣ гузаронида мешавад. Аз ин рӯ, дар Тоҷикистон рӯзҳои 31 декабр, 1 ва 2-юми январи соли 2017 рӯзи истроҳат эълон карда мешаванд ва дар тамоми идораю муассисаҳои давлатии кишвар рӯзи 3 январи соли 2017 рӯзи корӣ мебошад.
Мавриди зикр аст, ки иди Соли нави мелодиро дар Тоҷикистон ба таври густурда ва дар сатҳи баланд истиқбол мегиранд. Дар Ҷумҳурии Тоҷикистон беш аз 60 ид таҷлил мегардад, ки маъмултарини онҳо 21 -24 март иди Наврӯз, 8 — март Рӯзи Модар, 27 июн-Рӯзи Ваҳдати миллӣ, 9 сентябр-Рӯзи Истиқлолияти давлатии Ҷумҳурии Тоҷикистон, 5 октябр Рӯзи забони давлатӣ, 6 ноябр Рӯзи Конститутсияи Ҷумҳурии Тоҷикистон ва 24 ноябр Рӯзи Парчами давлатии Ҷумҳурии Тоҷикистон мебошанд.
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
