«Аз синф ба синф гузарондан-10 000 рубли русӣ»: боздошти директори мактаб ҳангоми гирифтани пора
ДУШАНБЕ, 07.07.2017 /АМИТ «Ховар»/. Вазорати корҳои дохилии Ҷумҳурии Тоҷикистон аз боздошти директори яке аз муассисаҳои таҳсилоти миёнаи умумии шаҳри Конибодом, ки бо гирифтани пора гумонбар мешавад, хабар медиҳад.
Тавре ба АМИТ «Ховар» аз Вазорати корҳои дохилӣ хабар доданд, аз ҷониби кормандони милитсия зани 42-солаи сокини шаҳри Конибодом, директори яке аз муассисаҳои таҳсилоти миёнаи умумии шаҳри мазкур ҳамчун гумонбар дар гирифтани пора дастгир карда шуд.
Номбурда моҳи феврали соли 2017 аз зани 55-солаи сокини шаҳри Конибодом барои гузаронидани наберааш аз як синф ба синфи дигар, ки дар соли хониши 2016-2017 дар дарсҳо иштирок накардааст, даҳ ҳазор рубли Федератсияи Россияро ҳамчун пора талаб намудааст.
Ба иттилои манбаъ, 5 июли соли равон номбурда дар ҳудуди бинои мактаб ҳангоми гирифтани ин маблағ дастгир гардида, далели шайъӣ гирифта шуд.
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
