Дар толори Маркази матбуоти ҷумҳуриявии «Ховар» нишасти матбуотии роҳбарияти Бонки давлатии «Амонатбонк» оид ба натиҷаҳои нимсолаи аввали соли ҷорӣ баргузор мешавад

ДУШАНБЕ, 17.07.2017 /АМИТ «Ховар»/. Пагоҳ, 18 июли соли 2017 Бонки давлатии амонатгузории Ҷумҳурии Тоҷикистон «Амонатбонк», Кумитаи ҳифзи муҳити зисти назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон бо иштироки намояндагони воситаҳои ахбори омма оид ба натиҷаҳои нимсолаи аввали соли ҷорӣ нишасти матбуотӣ баргузор мекунанд.

Нишастҳои матбуотии Бонки давлатии амонатгузорӣ «Амонатбонк» соати 9:00 ва мулоқоти роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон бо журналистон соати 11:00 дар толори Маркази матбуоти ҷумҳуриявии «Ховар» (хиёбони Рӯдакӣ, 40) гузаронида мешаванд.

Роҳбарияти Хадамоти гумруки назди Ҳукумати Ҷумҳурии Тоҷикистон журналистонро ҷиҳати иштирок дар нишасти матбуотӣ соати 10:00 ҳамон рӯз, 18 июл ба маҷлисгоҳи Хадамоти гумрук даъват кардааст.

Хотиррасон мешавем, ки нишастҳои матбуотии вазорату идораҳо ва ташкилоту муассисаҳои Ҷумҳурии Тоҷикистон мутобиқи амри Президенти Ҷумҳурии Тоҷикистон аз 15 сентябри соли 2011  таҳти №АП-1729 ҳар сол ду маротиба гузаронида мешаванд.