ДОНИШ АНДАР ДИЛ ЧАРОҒИ РАВШАН АСТ. 1 сентябр дар Тоҷикистон Рӯзи дониш ва Дарси сулҳ доир карда мешаванд

Сентябрь 1, 2017 08:00

ДУШАНБЕ, 01.09.2017 /АМИТ «Ховар»/.  Имрӯз бахшида ба Рӯзи дониш дар ҳамаи муассисаҳои таҳсилоти миёнаи умумии ҷумҳурӣ занги аввал садо медиҳад. Беш аз 240  ҳазор нафар кӯдакон бори аввал ба мактаб қадам мегузоранд.

Ҳамасола дар ин рӯз чун анъана дар тамоми муассисаҳои таҳсилотӣ ҷамъомади идона баргузор шуда, рӯзи нахустини соли нави  дониш  бо Дарси сулҳ оғоз меёбад.

Зимни яке аз суханрониҳои худ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зикр намуда буданд, ки «Рӯзи дониш ва дарси сулҳ беҳтарин имкониятест, ки мо дар шароити торафт печидаву мураккаб шудани вазъи ҷаҳони муосир нақши сулҳу субот ва ваҳдати миллиро дар таҳкими аркони давлатдории миллӣ ва пешрафти давлату ҷомеа таъкид месозем, доир ба таъмини ҳадафҳои стратегии миллӣ, аз ҷумла дастоварду мушкилоти яке аз соҳаҳои муҳимтарини иҷтимоӣ — мактабу маориф изҳори назар карда, бори дигар таваҷҷуҳи мактаб, оила ва ҷомеаро барои боз ҳам беҳтар намудани таълиму тарбия дар кишвар ҷалб менамоем».

Тибқи маълумоти омории Вазорати маориф ва илми Ҷумҳурии Тоҷикистон,   ҳамасола дар мамлакат теъдоди хонандагон афзоиш меёбад. Агар дар соли таҳсили 2016-2017  дар ҷумҳурӣ 215 ҳазору 932 нафар хонанда  ба синфи як, яъне бори аввал ба мактаб рафта бошанд, пас дар соли хониши 2017-2018 ин теъдод, тибқи маълумоти омории пешакӣ, ба 240 ҳазор нафар мерасад.

Ба иттилои Вазорати маориф ва илми мамлакат, айни ҳол дар ҷумҳурӣ 3865 муассисаи таълимӣ фаъолият менамоянд, ки  дар онҳо  1 млн 837 ҳазору 762 нафар хонанда бо таълиму тарбия фаро гирифта шудаанд.  Бояд гуфт, ки дар ин  муассисаҳои  таълимӣ 116 ҳазору 921 нафар омӯзгор ба таълиму тарбия машғуланд.

Ба иттилои Вазорат,  дар 8 моҳи соли равон 64 муассисаи таълимӣ ва бинои иловагӣ дар назди муассисаҳои таълимӣ барои 20 043 ҷойи нишаст бо маблағи зиёда аз 370 миллион сомонӣ ба истифода дода шудаанд.

Қобили  зикр аст, ки чанд рӯз қабл ба Тоҷикистон 30 нафар омӯзгор аз Федератсияи Россия барои таълиму тарбияи толибилмон ва боло бурдани сатҳи омӯзиши забони русӣ омаданд. Ин омӯзгорон тӯли   як сол дар мактабу гимназияҳои шаҳру ноҳияҳои ҷумҳурӣ фаъолият хоҳанд намуд.

Сентябрь 1, 2017 08:00

Хабарҳои дигари ин бахш

ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид