Раёсати Академияи илмҳои ҶТ: илми адабиётшиносии миллӣ бинобар даргузашти Худоӣ Шариф талафоти азим дод
ДУШАНБЕ, 30.10.2017 /АМИТ «Ховар»/. Имрўз, нисфирўзӣ аҳли зиёи кишвар донишманд, муҳаққиқ ва мунаққиди камназири тоҷик Худоӣ Шарифро, ки дирўз аз олам даргузашт, ба хок супориданд. Дар маросими дафнии адабиётшиноси маъруф президенти Академияи илмҳои Ҷумҳурии Тоҷикистон, академик Фарҳод Раҳимӣ иштирок намуда, тазаккур дод, ки аз даргузашти олими тавонои тоҷик илми филологияи ватанӣ талафоти азим дод.
Мо, аҳли зиёи Тоҷикистон, ки дар маросими дафнии устоди сухан иштирок доштем, эҳсос менамудем, ки интиқоли қабрҳои шахсиятҳои шинохтаи кишварамон ба мавзеи зебоманзари Лучоб ба ҳамаи меёрҳои башаргароӣ ҷавобгўст ва зиёиёни мамлакат аз ин тадбирҳои зарурии Мақомоти иҷроияи ҳокимияти давлатии шаҳри Душанбе истиқболм енамуданд. Маросими дафнии Худоӣ Шариф аз он шаҳодат медиҳад, ки дар Ҷумҳурии Тоҷикистон аҳли илму фарҳанг ва тамаддуни миллӣ қадрдонӣ дида, Ҳукумати кишвар ба бузургони сухан илтифот дорад.
Дар анҷом вазифадор ҳастем тазаккур диҳем, ки Раёсати Академияи илмҳои Ҷумҳурии Тоҷикистон бинобар даргузашти узви вобастаи хеш сахт андуҳгин буда, ба хешу ақрабои мадфун изҳори тасаллият менамояд.
Раёсати
Академияи илмҳои
Ҷумҳурии Тоҷикистон
Интернети хонагӣ бештар дастрас гардид
Имрӯз дар баъзе ноҳияҳои Тоҷикистон борони кӯтоҳмуддат меборад
ИМА барои дастгирии аҳолии Тоҷикистон 75 тонна ғизои ғанигардонида кумак расонид
Сокинони Рашт ба густариш бахшидани худшиносию худогоҳии миллӣ ва ватандӯстӣ даъват карда шуданд
«Биё! Бисоз 2.0»: тарофаи шумо — қоидаҳои шумо
Имрӯз дар водиҳои Тоҷикистон ҳаво то 34 дараҷа гарм мешавад
Душанбе мизбони ҷаласаи навбатии Шурои ҳамкории фарҳангии ИДМ мегардад
Рушди робитаҳои иқтисодию молиявии Тоҷикистон ва Чин баррасӣ гардид
«ИЛМ-ФУРӮҒИ МАЪРИФАТ». Дар Хатлон даври вилоятии озмун оғоз гардид
Имрӯз дар шаҳри Душанбе ҳаво то 36 дараҷа гарм мешавад
