Дар Душанбе куллиёти ҳафтҷилдаи осори Абулқосим Лоҳутӣ ба табъ мерасад
ДУШАНБЕ, 12.12.2017 /АМИТ «Ховар»/. Ба муносибати бузургдошти 130-солагии устод Абулқосим Лоҳутӣ бо дастгирии Ҳукумати Ҷумҳурии Тоҷикистон нашри академии куллиёти ҳафтҷилдаи осори адиб ба табъ мерасад.
Тавре аз Пажӯҳишгоҳи забон ва адабиёти ба номи Абӯабдуллоҳи Рӯдакии Академияи илмҳои Тоҷикистон хабар доданд, куллиётро кормандони илмии ин ниҳод омода намудаанд.
Ба иттилои манбаъ, ҷилдҳои аввали асар дар рӯзҳои ҷашни шоири бузург дастраси хонандагон гардиданд. Ҷилди охири он аз хотираҳо, ёддоштҳо ва шеъру мақолаҳои шоирону нависандагон ва муҳаққиқон бахшида ба шахсият, рӯзгор ва осори адиби маҳбуб мураттаб гардидааст.
Ёдовар мешавем, ки ҷашни 130-солагии шоири маҳбуб ва ходими сиёсӣ Абулқосим Лоҳутӣ 4 декабр, дар рӯзи таваллуди шоир дар Институти забон ва адабиёти ба номи А. Рӯдакии Академияи илмҳои Ҷумҳурии Тоҷикистон таҷлил шуда буд.
Имрӯз дар Тоҷикистон ҳавои камабри бебориш дар назар аст
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
