Дар ноҳияи Дарвоз барои кӯдакони дорои имконияти маҳдуд Маркази тавонбахшӣ ифтитоҳ гардид
ХОРУҒ, 13.12.2017 /АМИТ «Ховар»/. Бо дастгирии созмонҳои Иттиҳоди Аврупо ва Миссияи Шарқ яке аз биноҳои бекормонда дар маркази ноҳияи Дарвоз таъмир карда шуда, дар ихтиёри кӯдакони имконияташон маҳдуд гузошта шуд. Намояндаи созмони Миссияи Шарқ Худоназар Ҳоҷимамадов гуфт, ки «мақомоти маҳаллии ҳокимияти давлатии ноҳия як биноро барои Маркази тавонбахшӣ ҷудо кард ва он бо харҷи беш аз 10 ҳазор сомонӣ таъмир гардид. Маркази мазкур бо асбобу анҷоми зарурӣ таъмин карда шуд. Ин нахустин Маркази тавонбахшӣ дар ин ноҳия ба шумор рафта, дар он беш аз 100 нафар кӯдакони имконияташон маҳдуд зиндагӣ мекунанд. Дар деҳаи Сангевни ҳамин ноҳия барои волидоне, ки кӯдаконашон имконияти маҳдуд доранд, гӯшаи волидон таъсис дода шуд. Дар оянда чунин гӯшаҳо дар дигар ҷамоатҳои деҳоти ноҳия низ таъсис хоҳанд ёфт».
Раиси ноҳия Саидбурҳон Абдураҳмонзода ҳангоми ифтитоҳи маркази мазкур гуфт, ки кӯдакони имконияташон маҳдуд набояд дар ҷомеа худро заифу танҳо эҳсос кунанд.
Дар ин марказ барои кӯдакон ҳамаи шароит омода шудааст. Дар баробари баланд бардоштани ҳунару истеъдоди худ ҳамчунин кӯдакон ба табобат фаро гирифта мешаванд. Мақомоти маҳаллии ҳокимияти давлатии ноҳия барои боло бурдани сатҳи таълим ва табобати ин кӯдакон минбаъд низ ҳамкории худро бо ин марказ идома медиҳад.
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
