Барномаи «Дармон»-и Радиои «Ховар»: ВИЧ/СПИД бемории идорашаванда аст

ДУШАНБЕ, 20.06.2019 /АМИТ «Ховар»/. Солҳои охир  соҳаи тиб дар ҷаҳон ба дастовардҳои зиёд ноил гардида,  табибон дар табобати бисёре аз бемориҳои дар гузашта «бедаво» то андозае муваффақ  шудаанд. Дар ин радиф метавон бемории ВИЧ/СПИД-ро мисол овард. 

Оё   бемории ВИЧ/СПИД  дар ҳақиқат идорашаванда аст? Шахс чӣ гуна, бо кадом роҳу восита метавонад худро аз гирифтор шудан ба ин беморӣ муҳофизат намояд?  Чӣ тавр ва бо кадом роҳ онро метавон  идора  кард? Ба ин  саволҳо ва дигар масъалаҳои ба ин мавзӯъ вобаста Шумо метавонед аз барномаи «Дармон»-и Радиои «Ховар» посух ва маълумот пайдо намоед.

Барномаи «Дармон»-и Радиои «Ховар» имрӯз, 20 июни соли  равон, соати 09:30 ва (такроран) 17:30 бо иштироки  коршиносони соҳа пешниҳоди шунавандагон мегардад. Муҳаррир ва масъули барнома Нарзулло Ализода.