22 июл Суди Олӣ, Маркази миллии қонунгузорӣ, Агентии «Тоҷикстандарт» ва КВД «Тоҷиксуғурта» оид ба ҷамъбасти шашмоҳаи аввали соли 2019 нишасти матбуотӣ баргузор менамоянд

ДУШАНБЕ, 21.07.2019 /АМИТ «Ховар»/. 22 июл Суди Олии Ҷумҳурии Тоҷикистон, Маркази миллии қонунгузории назди Президенти Ҷумҳурии Тоҷикистон, Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва  Корхонаи воҳиди давлатии «Тоҷиксуғурта» оид ба ҷамъбасти натиҷагирии шашмоҳаи аввали соли равон бо намояндагони воситаҳои ахбори омма нишасти матбуотӣ мегузаронанд.

Нишасти Агентии «Тоҷикстандарт» соати 09:00 дар маҷлисгоҳи «Тоҷикстандарт»  баргузор мешавад.

Нишасти матбуотии Корхонаи воҳиди давлатии «Тоҷиксуғурта» соати 11:00  дар Маркази матбуоти ҷумҳуриявии АМИТ  «Ховар» баргузор мешавад.

Роҳбарияти Суди Олӣ оид ба ҷамъбасти нимсола соати 14:00 бо намояндагони ВАО дар толори Маркази матбуоти ҷумҳуриявии «Ховар» нишасти матбуотӣ мегузаронад.

Маркази миллии қонунгузорӣ нишасташро соати 14:00 дар маҷлисгоҳи Маркази мазкур доир менамояд.

Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ  (хиёбони Рӯдакӣ, 40, ошёнаи 2, телефонҳои 221-34-24, 888-08-34-04) гузаронидани онҳо мувофиқа мекунанд.

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  ба забонҳои тоҷикӣ ва русӣ нашр карда мешаванд.