Дар Душанбе пуриқтидортарин корхонаи истеҳсоли шифер барқарор мешавад
ДУШАНБЕ, 30.08.2019 /АМИТ «Ховар»/. Октябри соли 2019 марҳилаи якуми пуриқтидортарин корхонаи истеҳсоли шифер дар шаҳри Душанбе бо иқтидори 400,0 ҳазор дона шифер мавриди истифода қарор мегирад. Дар ин бора сармутахассиси раёсати масолеҳи сохтмонии Вазорати саноат ва технологияҳои нави Ҷумҳурии Тоҷикистон Қобил Ташрифов ба хабарнигори АМИТ «Ховар» иттилоъ дод.
Ба маълумоти номбурда, ҶДММ «Сомоншифер» бо сармоягузории ширкати «Кусто Групп»-и Ҷумҳурии Қазоқистон ба навсозии таҷҳизоти технологии ин корхона бо маблағгузории 300 ҳазор доллари ИМА оғоз намуд. Моҳи сентябр дар корхонаи мазкур корҳои озмоишӣ оғоз мегарданд.
Тавре Қобил Ташрифов иброз намуд: «Дар марҳилаи аввал 100 нафар бо ҷойи корӣ доимӣ таъмин хоҳанд гашт. Намояндагони ширкати «Кусто Групп» ният доранд, ки технологияи нави истеҳсолиро аз ҷумҳуриҳои Қазоқистон ва Беларус ворид намоянд. Каммасрафӣ ва муосир будани технология аз талаботи асосӣ ба ҳисоб меравад».
Мавриди зикр аст, ки ин корхона дар гузашта яке аз корхонаҳои пуриқтидори истеҳсоли шифер ба ҳисоб рафта, бо сабабҳои рақобатпазир набудани маҳсулоташ аз соли 2010 инҷониб фаъолият намекард.
Ба иттилои Вазорати саноат ва технологияҳои нави Ҷумҳурии Тоҷикистон, имрӯз дар ҷумҳурӣ панҷ корхонаи истеҳсоли шифер фаъолият мекунад, ки онҳо дар шаҳрҳои Душанбе, Ҳисор, Хуҷанд (2-то) ва ноҳияи Ёвон ҷойгиранд.
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Рушди низоми миллии зондкунии фосилавии Замин дар Тоҷикистон баррасӣ гардид
Дар Тоҷикистон вазъи мелиоративии беш аз 91 ҳазор гектар замин беҳтар гардонида мешавад
БЕХАТАРИИ КӮДАКОНРО ДАР РОҲҲО ЗЕҲНИ СУНЪӢ ТАЪМИН МЕСОЗАД. Байни Тоҷикистон ва Корея санади ҳамкорӣ ба имзо расид
Роҳи мошингарди Ваҳдат – Роғун дар муҳлати якуним сол сохта, ба истифода дода мешавад
МОРАТОРИЙ БА ҲАМА НАМУДИ САНҶИШҲОИ ФАЪОЛИЯТИ СУБЪЕКТҲОИ СОҲИБКОРИИ ХУРДУ МИЁНА. Андешаҳо дар ин мавзуъ
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Даромади буҷети давлатии Тоҷикистон барои соли 2027 80,1 миллиард сомонӣ пешбинӣ шудааст
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
