Дар Душанбе бахшида ба баргузории Фестивали байналмилалии «Дидор» нишасти матбуотӣ доир гардид
ДУШАНБЕ, 2.10.2019. /АМИТ «Ховар»/. Имрӯз дар Хонаи Кинои шаҳри Душанбе бахшида ба корҳои омодагӣ ба баргузории Фестивали байналмилалии «Дидор» нишасти матбуотӣ доир шуд.
Тавре хабарнигори АМИТ «Ховар» иттилоъ медиҳад, дар ин нишаст директори Фестивали байналмилалии «Дидор» Сафар Ҳақдод гуфт, ки «бо дастгирии Ҳукумати Ҷумҳурии Тоҷикистон, сарварии Муассисаи давлатии “Тоҷикфилм” ва сарпарастии грантии Дафтари швейтсарии ҳамкорӣ дар Тоҷикистон аз 16 то 20 октябр дар чорчӯбаи Фестивали байналмилалии «Дидор» баргузор шудани нахустин Фестивали байналмилалии филмҳои мустанад ба нақша гирифта шудааст».
Фестивали мазкур дар рӯзҳои ҷашни 90-солагии кинои тоҷик баргузор гашта, ба поси хотири филмҳои мустанадсози маъруф Мамадқул Арабов бахшида мешавад.
Ба гуфтаи директори Фестивали байналмилалии «Дидор» Сафар Ҳақдод, дар назар аст, ки дар ин фестивал 57 филми мустанади давомнокиашон гуногун намоиш дода шаванд. Аз ҷумла, 15 филми байналмилалии озмунӣ, 8 филми озмунии тоҷикӣ, 11 филми ғайриозмунии байналмилалӣ ва тоҷикӣ дар намоиш гузошта мешаванд.
Маросими кушодашавии Фестивали байналмилалии «Дидор» дар Рӯзи кинои тоҷик- 16 октябр, соати 10:00, дар толори бузурги Хонаи кино баргузор мегардад.
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
